يقطـع صبـيٍ مايقدر شايبـهـ , ][ ضيـدآن وسـ ع ـد ][ !!

السلام عليكم

شلونكم ياهل التراث

عندي سوالف كثيره .. لكني احاول انقي السمين منها واللي يناسب ويجمّلنا معكم .. لانكم اهل الجماله << ودهآ تمدحكم

هذا ياطويلين العمر والسلامه بـ اتكلم عن اثنين من الشعراء الكويتيين رحم الله الميت منهم وطول عمر الحي .. مثلوا اجمل ثنائي شعري بالخليج .. واستمتعوا الناس بردياتهم .. اللي انتشرت عن طريق الاشرطه الرديئه على المحطات << والله ان الاشرطه ( رديئه ) ماتسمع شي .. صوت هوا ولجّه مرات .. وتعليقات تسجيل مجلس

وبعض الكتّاب اللي عندهم ذمه .. كتبوا عن هالرديات اللي تندر في هالوقت .. او انها اختفت

طيّب طيّب

يالنشامى والنشميات

الشاعرين هم

سعد بن عبدالله بن حسين الهتلاني العجمي - الله يرحمه ويغفر له - < الله مستعآن مآت جعله مرحوم

ضيدان بن صبحان اللزيزي العجمي - الله يطول عمره على طاعته -

طبعا الازين من ردياتهم .. خوتهم اللي على الطيب والمرجله برغم فارق العمر بينهم .. اللي ماهو اقل من من عشرين سنه ! ..

اي نعم عشرين سنه .. لكن بينهم خوه

سعد توفى الله يرحمه في عام 1991 بوقت التحرير << ويقال ان الشايب ضيدان اعتزل القصيد عقب وفاة صحيبه

وخوتهم وردياتهم .. فيها من المقاشر وااااجد ..

__

(1)

ضيدان اكبر من سعد بواجد .. وهو شويب .. المهم تنوم ضيدان بالمستشفى .. وزاره سعد قاله ( الحمدلله ان عادك حي .. ولا انت لا مت برثيك .. لكن ودي تسمع مرثيتي وانت عادك حي ) .. قال ضيدان: ( اسلم . خلني اعرف وش بتقول ؟ )

قال سعد :

عسى النفل ينبت على قبر ضيدان ...

قاله ضيدان : ( وقف وقف .. \\ النفل بتاكله الدبش وبيغدي قبري مرعى .. لا عاد تقول شي .. كفيت ووفيت ! )

__

ملاحظه : بالكويت يسمون الحليب شاهي .. حليب والشاهي البدون حليب .. شاهي <<

( 2 )

هذا يومٍ من الايام ظهر سعد مع ضيدان الصبح ووقفوا عند بنشري يصلحون الموتر قبل لا يكملون مشوارهم .. وشاف سعد هالمطعم مدري البوفيه القريبه من البنشر .. راح يجيب له ولـ خوييه شي .. كان معه250 فلس
اشترى لنفسه حليب شاهي بـ 150 فلس .. ولـ ضيدان شاهي بـ 100 فلس \\ وعطا ضيدان الشاهي وخذا الحليب ..

يوم شاف ضيدان الشاهي عنده .. والحليب عند سعد .. .. وقال ضيدان :

تطلب لي الشاهي وتطلب لك حليب __ وانا على الحليب كبدي ذايبه

انا احمد الله يوم منت بلي نسيب ___ ويقطع صبيٍ ما يقدر شايبه

قام سعد خايله كذا وقال :

تبغي حليب اطلب من المطعم وجيب ,, لاني بطالب لك ولاني جايبه

ازعجتني من يوم طرّيت المشيب ,,, واتعبتني مثل الوزير ونايبه

ايييه .. قام ضيدان ويقول :

في خوّة الطيّب انا مالي نصيـب ____ ومن خوة الرديان نفسـي طايبـه

وقد كان ظني فيك للعلـه طبيـب ____ والاريا.. بها مخطي وفيها صايبه.

قام سعد وماخايل الشايب .. كان يشرب الحليب وقال :

كل ٍ يبي يرمي رفيقه فـي قليـب __ وابليـس نـوّخ عندنـا ركايبـه

وعلّمته الممشى سبقني في الخبيب ___ اللي علومـه كلّبوهـا خايبـه !

الابيات اتوقع اغلبكم يعرفها .. والقصه مو من خيالي .. من شريط يرويها سعد الله يرحمه بنفسه .. }

__

(3)

هذا طال عمركم كان عند سعد الله يرحمه بيوك اتماتيك ( وتمثل الراحه للبدوي عقب العنى ) المهم وانعزم هو وصاحبه ضيدان عند المحامي ثامر المجدعي في منطقة هديه .. والعشا لضيدان ولـ سعد .. المهم ويجي سعد لـ ضيدان العصر ويقوله نمشي ياخوك .. قال والله يابوك اني واني . خلها على وقتها ونشوفه

اييييه .. وراح سعد العشا ولا جا ضيدان .. عاد عوّد سعد تالي على ضيدان قاله (وش عندك يومك تترك عشا الرجّال وهو موجبنا ؟ ) قال ( والله يابوك التعب والشيب وانت خابر العمر ).. قال سعد( اجل هذا العلم .). قال ضيدان .. اي والله .. قال سعد ( اجل اسمع )

إن مت ياضيدان ماني بباكيك ...و ان مت انا لياك تبكي عليـّه
مانت بكفو ياعود لامت نرثيك ... ما خبر منك الا الشقى والأذية
نسيت يوم اتعبتني في ترجيك ... العصر يوم ان العشا في هدية
تبغي المحامي يالردي يتصل فيك .. وش انت حتى ماتجي بالوصية
عود معقد والتعاسة تباريك ... و مؤهلات معالجيتك ردية
ياخف نفسك قبل تثقل مخابيك .. و اليوم حتى ماترد التحية
يا والله اللي به رجال تساميك .. لاشك يابعد السمي عن سميه
جاتك و انا راعي البيوك التماتيك ... فيها اعتزي و لا اعتزي بالمطية
نقطع امداد من طرفنا يغذيك ... يومك بطول و نيتك قلبية

ومدري والله كان ضيدان رد .. لكنها جت كذا __

(4 )

هذا انت ياسعد شاب لكنه مهب ذاك النشاط .. وضيدان شايب لكن - الله يعطيه الصحه - متعافي ومبينّه عليه اثار النعمه .. وياكل ولا عليه من كلام الدكاتره ولا اللي يقولونه .. وايده دايم للشحم واذا اكل اكل

هالله هالله .. هذا العلم كود ان سعد ناقد عليه في امورٍ واجد .. ويوم شافه على العشا عند ولد عمٍ لهم ورفيقهم .. قال سعد : ( يابو حميد .). قال ضيدان: ( لبيه يابن حسين ) .. قال اسمع نفداك :

مايشبع الا فالولايم والافراح
ذا المسلم اللى صار بطنه فضيحه

ماأدرى معاه الجن تاكل والاشباح
والا شفاح اهل الكبود الصحيحه

يحضر عند الناس والقدر مافاح
لين العشا عنه الستاره نزيحه

ماهمته نسبة دسمها والاملاح
وعيا من الدكتور يسمع نصيحه

والمشكله ماهوب للضان ذباح
استادكم ياللى ألسنتكم فصيحه

لادل من رايه ولاهوب نصاح
جعله يطيح وينثبر فى مطيحه

قال ضيدان .. ( العلم كذا .) . قال سعد( هالله الله ) .. قال ضيدان
( اجل اسمع ):

ابوحميد بيتعشى ويرتاح
وماكل ليل عند ربعه ذبيحه

فى بيت منه للمواجيب نطاح
محمد منصا الوجيه الفليحه

والحر ياتيبه من البعد ملواح
والعود يجذبنا من البعد ريحه

ودنياك يابن حسين ماجات به راح
وعزى لكم ياهل النفوس الشحيحه

اضحك وانا فى ايدى زقاره ومسباح
وخل الزعل لاهل الوجيه القبيحه

العود يطرح له ثلاثين ماطاح
مهوب مثلك عاجز فى نطيحه

يغشنى غش البريكات مزاح
الله لا يثرى ثراه ويبيحه
__

والمعذره ان كان طولت واشغلتكم

واللي عنده اضافه واكيد ان اكثر ردياتهم مشهوره لكن انا حاولت اجيب الغير متداول كود اني اتجمل معكم

اييه وترا ودي اقول مدري ليه ودي .. ترا منيب كبيره .. توني قدعه لكن احب علوم الاوليين وعلوم الشيبان .. وعندي شغف بكل ماهو قديم .. وتقهرني معطيات الحياه العصريه

المهم اقبلوها مثل ماجات واستروا على ماواجهتوا

يقطـع صبـيٍ مايقدر شايبـهـ , ][ ضيـدآن وسـ ع ـد ][ !! 004

مشكوورهـ حيـآتو آنـآ

والله ح ـسيت أني أسمع للي في قنـآة البوآدي

{محمد الشرهـآن}

اقتباس :: توني قدعه لكن احب علوم الاوليين وعلوم الشيبان

أحلآآآ يـآقدع ـه ..

مشالله حلوهـ ترآ حيـآه الأولين

أجل والله لو تسمعك جدتي مآمآ منيره تقول {شوفي مشالله ذى البنت السنعه موب زيك تح ـب علوم الأولين }

ـهههههههههههههههههههههههههههـ

اقتباس :: .. وعندي شغف بكل ماهو قديم .. وتقهرني معطيات الحياه العصريه

حلوهـ مع ـطييـآت الح ـيـآه العصريهـ .,.!

أصلآ أنتي كلك احسك من الأولين بقووهـ بع ـد

مشكوورهـ كثيرآآآآت .,.!

مشكووورهـ حبي
ع الموضوع الخطيرررررررر...

انا اقول وربي وربي وربي رووووووووعه

والله يعطيك العاافيه

وربي استمتعت في الشعر والقصص

اكيد علوم الاولين زينه مره بس الحين الوقت تغير والدنيا تغيرت

يالله المستعان .. [i]