السلام عليكم
قصيدة أعجبتني للشاعر :
تركي بن عطالله المطيري (( تركي 2000 ))
فأحببت أن تشاركوني متعة قراءتها
ما نيب مجازيك في صدك وهجرانك
ودعتك الله وتــلقى واحـــد ثانــي
أتعبت الأعيان والأقدام من شانك
وأنت ولا شيء سويته على شاني
فزيت لك يوم قلت أسمك وعنوانك
لو كان ما تنتمي لأسمي وعنواني
ما جيت أدورك ولا أطق بيبانك
وإلا ترجاك مثل فلان وفلاني
أنت الذي جيت لي وأعلنت بلسانك
أنك على شوفتي جايع وعطشاني
صدقت هرجك ومنطوقك من لسانك
وأقبلت لك مندفع من كل وجداني
ما كنت أفكر يجي في يوم نسيانك
وأنساك وأنت معاهدني ما تنساني
إلا بعد ما قريت الكذب في أعيانك
حاولت أوادعك وأنسى كل ما جاني
خلاص ما نيب متعني على شانك
ودعتـك الله وتــلقــى واحـــد ثانـي
{.. القصيدة منقولـــــه ..
الأحد أبريل 06, 2008 9:23 pm
